MANILA — Bilang paghahanda sa Semana Santa, personal na pinangunahan ni PNP Chief, Police General Jose Melencio C. Nartatez Jr., ang pagtiyak sa seguridad sa buong Metro Manilaβisang malinaw na halimbawa ng aktibong pamumuno.
Noong Abril 1, inikot niya ang mga terminal, simbahan, at iba pang mahahalagang lugar upang tiyakin na maayos na naipatutupad ang mga hakbang sa seguridad. Sa halip na umasa lamang sa mga ulat, siya mismo ang nagsagawa ng inspeksyonβsinuri ang presensya ng pulisya, kahandaan ng mga assistance desk, at pagiging alerto ng mga response team para sa inaasahang pagdagsa ng mga biyahero at deboto.
Katuwang niya sa inspeksyon sina PMGEN Anthony A. Aberin, PBGEN Rogelio I. PeΓ±ones Jr., PBGEN Arnold E. Abad, PBGEN Randy Glenn Silvio, at PBGEN Randulf T. TuaΓ±o, na tumulong sa pagsusuri ng deployment at pakikipag-ugnayan sa mga lokal na awtoridad upang matiyak ang maayos na pagpapatupad ng mga plano.
Ipinapakita ng hakbang na ito na ang epektibong pamumuno ay hindi lamang nasusukat sa pagbibigay ng direktiba, kundi sa aktibong presensya sa mismong operasyon.
Sa ganitong paraan, mas napapatibay ang kumpiyansa ng publiko na ang kapulisan ay handa, organisado, at maaasahan sa oras ng pangangailangan.
Sa ilalim ng temang βBagong PNP para sa Bagong Pilipinas: Serbisyong Mabilis, Tapat, at Nararamdaman,β malinaw ang layuninβisang serbisyong hindi lamang nakikita, kundi tunay na nararamdaman ng bawat mamamayan. (Bong Son)
ia/
